أمـــــــــــي
دنيتي معاكِ حلوة
وفي شفاهي إنتِ غنوة
وفي يومك يا أجمل وردة
لو أقدر
هديك عمري فدوة
أمـــــــــــي
من لي بهالدنيا غيرك
أشكي له وأبث له همومي
كثر الله خيرك
مالية أفراحي بيومي
كل عام وإنت بألف خير يا أمي
أمـــــــــــي
أحبك مثل ما إنتِ
في العطف
واللين
والقسوة
لإني أعرف في كل الأحوال
إنتِ ما يهمك غير مصلحتي
كل عام وإنتِ بخير يا أمي
أمـــــــــــي
رقص قلبي في يومك
وركضت روحي لجنبك
وطار إحساسي بحبك
وكل حواسي
تهنيك وتقولك
كل عام وإنت بألف خير يا أمي
حترت بيومك إيش أهديك
عمري الي بحضنك ربيتيه
ولا قلبي الي علمتيه الحب
ماما احترت و الله إيش اهديك
القلب الروح عمري ما يكفيك
قلت ما في احلى من ربي يخليك
كل ما تمر سنة و يجي عيدك
أدعي ربي بالسنة الجاية تبقيلي
ماما أحس السنة تمر ببطء
وعيدك يجي بالسنة مرة
و أنا ودي كل يوم يكون عيدك
أحلى الاعياد عيدك
و أروع القلوب قلبك
و انا بجبلك هدية ما تليق لغيرك
أهديك ذهب إنت أغلى
أهديك ورد إنت أحلى
بهديك عمري و ياريت يسوى
يا اغلى ما في الكون
يومك احلى و أجمل يوم
يجمعنا كلنا حوليك دوم
أمي يااول اسم عشته في دنياي
يا اول اسم تنطق اشفاي طاريه
انتي هوا روحي وبعروقي الماي
عمري بدونج عمر ماعشت انا فيه
ياما لقيتك في شتاء وقت ادفاي
حضنك يدفيني بحنانه وادفيه
ويامامسكتك في عنا الوقت امناي
وخوفن علي من الزمان وبلاويه
انتي نظر عيني وبسمة شفاياي
وانتي هواء قلبي وحبه وغاليه
انت الجميل اللي تعدى عطاياي
لو عشت كل العمر مااقدر اوفيه
تدعين ربك ليسدد لي اخطاي
وارفع انا كفي لله وادعيه
ياربي تمنحني رضاها بدنياي
وان مارضت عني ترى العمر ماابيه
====================
اوسع من الكون قلبج ياللي سهرتي الليالي
حب الله من يحبج يامن لها اسم غالي
اقرب من الروح قربج ويالام وبلا بدالي
***
انتي السما ونحن شهبج لك منزل فوق عالي
قلب تولع يحبج حبه شريف مثالي
***
درب الهناء يعله دربج ياصانعه للرجال
ويجزيج بالخير ربج عالصبر والاحتمال
=====================
ياامي ياغلا الدنيا. واصدق عاطفه في الكون
وادفى حضن يحضني ..واكبر قلب يحويني
انا بج دنيتي جنه وبسماتج مطو ونزول
وضحكاتج ربيع اخضر زهوره فتحت فيني
***
اذا شفتج ارى الدنيا..صباح بالفرح مسكون
واذا غبتي عن عيني ..يغيب النور عن عيني
عشقتج والهوى طفل..ربى في خافق المفتون
***
كبر هذا الطفل واصبح..غرامه يسبق اسنيني
انا يامي ترى مااوفيلج مهما يكون
جميلج دين في عمري ..وربي بج اموصيني
ومهما عشتي لج وافي ..بظل لج الوافي المديون
لانج روح في قلبي .. ودم في شرايني
